ആലപ്പുഴ: മന്ത്രി ജി. സുധാകരന്റെ “പൂതന’ പരാമര്ശത്തിനെതിരേ അരൂരിലെ യുഡിഎഫ് സ്ഥാനാര്ഥി ഷാനിമോള് ഉസ്മാന്. തനിക്കെതിരായ സുധാകരന്റെ പരാമര്ശം സ്ത്രീ വിരുദ്ധമാണ്. ഇക്കാര്യത്തില് അതീവ ദുഃഖമുണ്ട്. കൂടുതല് നടപടികള് യുഡിഎഫ് നേതാക്കളുമായി ആലോചിച്ച് തീരുമാനിക്കുമെന്നും ഷാനിമോള് പറഞ്ഞു.
സുധാകരനെതിരേ പ്രതിഷേധവുമായി മഹിളാ കോണ്ഗ്രസും രംഗത്തെത്തി. സുധാകരന് മാപ്പ് പറയണമെന്നും അദ്ദേഹത്തിന്റേത് സവര്ണമേധാവിത്വമാണെന്നും മഹിളാ കോണ്ഗ്രസ് സംസ്ഥാന അധ്യക്ഷ ലതിക സുഭാഷ് പറഞ്ഞു. കോണ്ഗ്രസിന്റെ വനിതാ സ്ഥാനാര്ഥികള്ക്കെതിരേ ഇതിന് മുന്പും എല്ഡിഎഫ് നേതാക്കള് സമാനപരാമര്ശങ്ങള് നടത്തിയിട്ടുണ്ടെന്നും അവര് വ്യക്തമാക്കി.
