ന്യൂഡല്ഹി: മോഷ്ടാവെന്ന സംശയത്തില് ഡല്ഹിയില് കൗമാരക്കാരനെ തല്ലിക്കൊന്നു. മുകുന്ദ്പൂരിലാണു സംഭവം. വീടിനു സമീപത്തുനിന്നു കുട്ടിയുടെ മൃതദേഹം മാതാപിതാക്കള് കണ്ടെത്തി. പ്രദേശവാസികള് കുട്ടിയെ അടിച്ചുകൊലപ്പെടുത്തുകയായിരുന്നെന്നു ബന്ധുക്കള് ആരോപിച്ചു.
സംഭവവുമായി ബന്ധപ്പെട്ടു മൂന്നു പേരെ പോലീസ് അറസ്റ്റ് ചെയ്തിട്ടുണ്ട്. മറ്റു മൂന്നു പേര് ഒളിവിലാണ്. ഭാല്സ്വ പോലീസ് സ്റ്റേഷനിലാണു കേസ് രജിസ്റ്റര് ചെയ്തിരിക്കുന്നത്. കേസില് അന്വേഷണം തുടരുകയാണ്.
സമീപത്തെ വീട്ടില് അതിക്രമിച്ചു കടക്കാന് ശ്രമിക്കുന്നതിനിടെ പിടിയിലായ കുട്ടിയെ പ്രദേശവാസികള് മര്ദിക്കുകയായിരുന്നെന്നു പോലീസ് അറിയിച്ചു.