മധ്യപ്രദേശ് ഗൗഹർഗഞ്ചിൽ ആറ് വയസുകാരിയെ ബലാത്സംഗം ചെയ്ത പ്രതിക്കുനേരെ വെടിയുതർത്ത് പൊലീസ്. പൊലീസിൻറെ തോക്ക് തട്ടി എടുത്ത് രക്ഷപ്പെടാനായിരുന്നു ഇയാളുടെ ശ്രമം. പൊലീസ് വാഹനത്തിൽ നിന്ന് പ്രതി രക്ഷപ്പെടാൻ ശ്രമിക്കുന്നതിനിടെ ആണ് വെടി ഉതിർത്തത്. പ്രതിയായ സൽമാന്റെ കാലിന് വെടിവെപ്പിൽ പരുക്കേറ്റു.
ഗോഹർഗഞ്ചിൽ ആറ് വയസ്സുകാരിയെ ബലാത്സംഗം ചെയ്ത കേസിൽ സൽമാനായി തിരച്ചിൽ നടത്തിയിരുന്നു. പ്രതി കുറച്ചുനാളായി ഒളിവിൽ കഴിയുകയായിരുന്നു, ഇയാളുടെ തലയ്ക്ക് പൊലീസ് 30,000 രൂപ ഇനാം പ്രഖ്യാപിച്ചിരുന്നു.ഭോപ്പാലിലെ 11-ാം വാർഡിൽ നിന്ന് ഒരു ചായക്കടയിൽ വെച്ചാണ് ഗാന്ധിനഗർ പൊലീസ് സൽമാനെ അറസ്റ്റ് ചെയ്തത്.
ഗോഹർഗഞ്ച് പൊലീസ് റൈസണിലേക്ക് കൊണ്ടുപോകുന്നതിനിടെ, കിരാത് നഗർ ഗ്രാമത്തിന് സമീപം വെച്ച് സൽമാനെ വഹിച്ചുകൊണ്ടുപോയ വാഹനം പഞ്ചർ ആയി. ഈ സമയത്ത്, സൽമാൻ രക്ഷപ്പെടാൻ ശ്രമിച്ചു. തുടർന്ന് പൊലീസ് പ്രതിയുടെ കാലിൽ വെടിയുതിർത്തു.
