ന്യൂഡല്ഹി: സീറോ മലബാര് സഭ വിവാദ ഭൂമിയിടപാടില് കര്ദിനാള് മാര് ജോര്ജ് ആലഞ്ചേരിക്കെതിരെ കേസെടുക്കുന്നതിന് ഏര്പ്പെടുത്തിയ സ്റ്റേ നിലനില്ക്കുമെന്ന് സുപ്രീംകോടതി. കര്ദിനാളിനെതിരായ ആരോപണം അതീവ ഗൗരവമാണ്. എന്നാല് ഹൈകോടതി ഡിവിഷന് ബെഞ്ച് പരിഗണിക്കുന്നതിനാല് ഇടപെടാന് കഴിയില്ലെന്ന് സുപ്രീംകോടതി വ്യക്തമാക്കി. ഹരജിക്കാരന്റെ വാദം ഹൈകോടതി കേള്ക്കാത്ത പക്ഷം പരിഗണിക്കാമെന്നും സുപ്രീംകോടതി ഉറപ്പുനല്കി.
ഹൈകോടതി ഇടക്കാല ഡിവിഷന് ബെഞ്ചാണ് കര്ദിനാളിനെതിരെ കേസെടുക്കുന്നത് സ്റ്റേ ചെയ്തത്. ഇത് ചോദ്യം ചെയ്ത് നല്കിയ രണ്ട് ഹരജികളാണ് സുപ്രീംകോടതി തീര്പ്പാക്കിയത്.