ന്യൂഡല്ഹി: ബിജെപിയെ വെട്ടിലാക്കി എന്ഡിഎ മുന്നണിയിലെ കക്ഷിയും ബിഹാര് മുഖ്യമന്ത്രിയുമായ നിതീഷ് കുമാര് രംഗത്ത്. മഹാത്മാ ഗാന്ധിയുടെ ഘാതകനായ നാഥുറാം ഗോഡ്സെയെ രാജ്യസ്നേഹി എന്ന് വിളിച്ച ഭോപ്പാലിലെ ബിജെപി സ്ഥാനാര്ഥി പ്രജ്ഞാ സിംഗ് താക്കൂറിനെ ബിജെപിയില്നിന്ന് പുറത്താക്കണമെന്ന് നിതീഷ് കുമാര് ആവശ്യപ്പെട്ടു.
തനിക്കും തന്റെ പാര്ട്ടിക്കും ഇത്തരം പരാമര്ശങ്ങളുമായി പൊരുത്തപ്പെടാന് സാധിക്കില്ലെന്നും അദ്ദേഹം പറഞ്ഞു. പ്രജ്ഞയുടെ പരാമര്ശം അംഗീകരിക്കാനാവില്ല. ഗാന്ധിജി രാഷ്ട്രത്തിന്റെ പിതാവാണ്. ഗോഡ്സെയെ കുറിച്ച് ഇങ്ങനെയൊരു പരാമര്ശം നടത്തുന്നത് ജനങ്ങള്ക്ക് ഇഷ്ടമല്ലെന്നും നിതീഷ് കുമാര് കൂട്ടിച്ചേര്ത്തു.