ചെന്നൈ: പ്രായപൂര്ത്തിയാകാത്ത പെണ്കുട്ടിയെ വീട്ടുജോലിക്ക് നിര്ത്തി പീഡിപ്പിച്ചെന്ന കേസില് നടി ഭാനുപ്രിയക്കെതിരേ പോക്സോ നടപടി. ആന്ധ്രപ്രദേശിലെ ശിശുക്ഷേമ സമിതിയാണ് നടിക്കെതിരേ പോക്സോ (കുട്ടികള്ക്കു നേരേയുള്ള ലൈംഗിക അതിക്രമങ്ങള് തടയുന്നതിനു വേണ്ടി 2012ല് കൊണ്ടുവന്ന നിയമം ആണ് പോക്സോ.
ആന്ധ്രാപ്രദേശിലെ ഈസ്റ്റ് ഗോദാവരി ജില്ലയില് നിന്നുള്ള പ്രഭാവതി എന്ന യുവതിയാണ് തന്റെ പതിനാലുകാരിയായ മകളെ വീട്ടുജോലിക്കായി ഭാനുപ്രിയ ചെന്നൈയിലേക്ക് കൊണ്ടുപോയെന്നും പീഡിപ്പിച്ചെന്നും കാണിച്ച് സമാല്കോട്ട് പോലീസ് സ്റ്റേഷനില് പരാതി നല്കിയത്.
ബാലവേല നിരോധന നിയമപ്രകാരം പതിനാല് വയസിന് താഴെയുള്ള കുട്ടികളെ വീട്ടുജോലിക്ക് നിര്ത്തുന്നത് രണ്ടു വര്ഷം തടവും അന്പതിനായിരം രൂപ പിഴയും ലഭിക്കുന്ന കുറ്റമാണ്. എന്നാല് പെണ്കുട്ടിയുടെ വയസ് തനിക്കറിയില്ലെന്നാണ് നടി പോലീസിനോട് പറഞ്ഞത്.
