ന്യൂഡല്‍ഹി: ബാങ്കുകളില്‍ നിന്ന് വെട്ടിച്ച തുക തിരിച്ച്‌ നല്‍കുമെന്ന നീരവ് മോദിയുടെ കത്ത് മുഖവിലക്കെടുക്കുന്നില്ലെന്ന് ബാങ്കുകള്‍. പണം തിരിച്ച്‌ നല്‍കുമെന്ന് അറിയിച്ച്‌ വായ്പയെടുത്തവര്‍ ഇത്തരത്തില്‍ കത്തുകള്‍ നല്‍കാറുണ്ട്. ഇത് കേവലം ഒരു തന്ത്രത്തിന്റെ ഭാഗം മാത്രമാണ്. പണം നല്‍കുന്നത് പരമാവധി നീട്ടികൊണ്ട് പോകുന്നതിന്റെ നടപടിയുടെ ഭാഗമാണ് ഇതെന്നും ചില ബാങ്ക് പ്രതിനിധികള്‍ പ്രതികരിച്ചു.
നീരവ് മോദിയുടെ തട്ടിപ്പും ദീര്‍ഘകാലത്തേക്കുള്ള നിയമനടപടികളിലേക്ക് തന്നെയാണ് നീങ്ങുന്നതെന്ന സൂചനകളാണ് ബാങ്കുകള്‍ നല്‍കുന്നത്. വിജയ് മല്യക്ക് സമാനമായ കേസായിരിക്കും നീരവ് മോദിയുടെ വിഷയത്തിലും ഉണ്ടാവുകയെന്നാണ് ബാങ്കിങ് പ്രതിനിധികള്‍ നല്‍കുന്ന സൂചന.നേരത്തെ തെന്‍റ കമ്ബനിയുടെ ആസ്ഥി വിറ്റ് 6000 കോടി രൂപ ബാങ്കുകള്‍ക്ക് ഉടന്‍ തന്നെ തിരിച്ച്‌ നല്‍കുമെന്ന് നീരവ് മോദി കത്തയച്ചിരുന്നു. എന്നാല്‍, ഇത് മുഖവിലക്കെടുക്കേണ്ടെന്നാണ് ബാങ്കുകളുടെ നിലപാട്.
