ആലപ്പുഴ: നെഹ്റുട്രോഫി ജലമേള സംപ്രേക്ഷണം ചെയ്യുന്നതിന് മാധ്യമങ്ങള്‍ക്ക് നിയന്ത്രണമില്ലെന്ന് മന്ത്രി കടകംപള്ളി സുരേന്ദ്രന്‍. എല്ലാ മാധ്യമങ്ങള്‍ക്കും ജലോത്സവത്തിന്‍റെ ദൃശ്യങ്ങള്‍ ലഭ്യമാക്കും. വള്ളംകളിയുടെ വാണിജ്യവല്‍ക്കരണം ലക്ഷ്യംവച്ചാണ് അന്തര്‍ദേശീയ മാധ്യമങ്ങളെ കൊണ്ടുവന്നതെന്നും അദ്ദേഹം വ്യക്തമാക്കി.
നെഹ്റുട്രോഫിയുടെ പ്രാധാന്യം കുറഞ്ഞെന്ന പ്രതിപക്ഷ ആരോപണം ശരിയല്ലെന്നും മന്ത്രി കൂട്ടിച്ചേര്‍ത്തു. ചാന്പ്യന്‍സ് ബോട്ട് ലീഗിന്‍റെ തുടക്കം മുതല്‍ എല്ലാം സുതാര്യമാണ്. വള്ളംകളിയെ അന്തര്‍ദേശീയ തലത്തില്‍ ഉയര്‍ത്തുകയാണ് സര്‍ക്കാരിന്‍റെ ലക്ഷ്യം. കുറവുകളുണ്ടായാല്‍ വരും വര്‍ഷങ്ങളില്‍ പരിഹരിക്കുമെന്നും മന്ത്രി വ്യക്തമാക്കി.
