തിരുവനന്തപുരം: നിയമസഭാ സമ്മേളനം ആരംഭിച്ചു. അതേസമയം, നിയമസഭാ കവാടത്തില്‍ മൂന്ന് യുഡിഎഫ് എം.എല്‍.എമാരുടെ സത്യഗ്രഹ സമരം മൂന്നാം ദിനവും തുടരുന്നു.
ചോദ്യോത്തരവേള തുടങ്ങിയ ഉടന്‍ എം.എല്‍.എമാരുടെ സത്യഗ്രഹം അവസാനിപ്പിക്കാന്‍ ഇടപെടണമെന്ന് പ്രതിപക്ഷ നേതാവ് രമേശ് ചെന്നിത്തല സ്പീക്കറോട് ആവശ്യെപ്പട്ടു. എന്നാല്‍ ഇന്നലെ തന്നെ അതിന് ശ്രമിച്ചെങ്കിലും ഫലമുണ്ടായിട്ടില്ലെന്ന് സ്പീക്കര്‍ മറുപടി നല്‍കി.
എന്തായാലും സഭാ നടപടികള്‍ തടസപ്പെടുത്താന്‍ പ്രതിപക്ഷം ശ്രമിക്കില്ലെന്ന് ചെന്നിത്തല അറിയിച്ചു. ചോദ്യോത്തര വേള തുടരുകയാണ്.
