കൊച്ചി: അമ്മ സംഘടനയില് ദിലീപിനെ തിരിച്ചെടുത്തില് താന് പങ്കാളിയല്ലെന്ന് കെ.ബി ഗണേഷ്കുമാര് എം.എല്.എ. മാധ്യമങ്ങള് തന്നെ വേട്ടയാടുകയാണ്. അമ്മയെ തകര്ക്കാനുള്ള നീക്കത്തെ ശക്തമായി എതിര്ക്കും. താന് കൂടി കഷ്ടപ്പെട്ടുണ്ടാക്കിയ സംഘടനയാണ് അമ്മ. സംഘടനയുടെ അച്ചടക്കം ലംഘിക്കുന്നവര്ക്കെതിരെ കര്ശന നടപടി ഉണ്ടാകുമെന്നും അദ്ദേഹം പറഞ്ഞു.
നേരത്തെ സിനിമ അഭിനേതാക്കളുടെ സംഘടനയായ അമ്മയില് ദിലീപിനെ തിരിച്ചെടുക്കാനുള്ള തീരുമാനത്തിനെതിരെ പ്രതിഷേധം ഉയര്ന്നിരുന്നു. തീരുമാനത്തെ ഇടത് ജനപ്രതിനിധികള് അനുകൂലിച്ചതിനെതിരെ പ്രതിപക്ഷം വിമര്ശനം ഉയര്ത്തിയിരുന്നു. ഇതിന് പിന്നാലെയാണ് നിലപാട് വ്യക്തമാക്കി ഗണേഷ് കുമാര് രംഗത്തെത്തുന്നത്.
