ദക്ഷിണാഫ്രിക്കയ്ക്കെതിരായ ഏകദിന പരമ്ബരയ്ക്കുള്ള ഇന്ത്യന് ടീമിനെ കെ എല് രാഹുല് നയിക്കും. പരിക്കേറ്റ ക്യാപ്റ്റന് ശുഭ്മാന് ഗില്ലിന് പകരമാണ് രാഹുലിന് ക്യാപ്റ്റനാക്കിയത്.ഓപ്പണറായി ഋതുരാജ് ഗെയ്കവാദിനെ ടീമില് ഉള്പ്പെടുത്തി. പരിക്കേറ്റ വൈസ് ക്യാപ്റ്റന് ശ്രേയസ് അയ്യര്ക്ക് പകരം തിലക് വര്മയും ടീമിലെത്തി. വിക്കറ്റ് കീപ്പര് റിഷഭ് പന്തും ടീമിലെത്തി.
വൈസ് ക്യാപ്റ്റനും റിഷഭ് പന്താണ്.സീനിയര് താരങ്ങളായ വിരാട് കോഹ്ലി, രോഹിത് ശര്മ എന്നിവര് ടീമില് സ്ഥാനം നിലനിര്ത്തി. സഞ്ജു സാംസണെ ടീമിലേക്ക് പരിഗണിച്ചില്ല. അതേസമയം, ധ്രുവ് ജുറിലിന് ടീമിലിടം ലഭിച്ചു. പേസര്മാരായ ജസ്പ്രിത് ബുമ്ര, മുഹമ്മദ് സിറാജ് എന്നിവര്ക്കും വിശ്രമം നല്കി. ഓസ്ട്രേലിയക്കെതിരെ ഏകദിന പരമ്ബര കളിക്കാതിരുന്ന രവീന്ദ്ര ജഡേജ ടീമിലെത്തിയപ്പോള് അക്സര് പട്ടേല് വഴിമാറി കൊടുത്തു.
ഹാര്ദിക് പാണ്ഡ്യയെ ടീമില് ഉള്പ്പെടുത്തിയിട്ടില്ല.ദക്ഷിണാഫ്രിക്കയ്ക്കെതിരെ മൂന്ന് ഏകദിനങ്ങളാണ് ഇന്ത്യ കളിക്കുക. ഈ മാസം 30ന് റാഞ്ചിയിലാണ് ആദ്യ ഏകദിനം. ഡിസംബര് മൂന്നിന് റായ്പൂരില് രണ്ടാം ഏകദിനം നടക്കും. ആറിന് വിശാകപട്ടണത്താണ് മൂന്നാം ഏകദിനം.
