തിരുവനന്തപുരം: സംസ്ഥാനത്ത് കോവിഡ് സ്ഥിതി രൂക്ഷമായ തിരുവനന്തപുരത്ത് 21,526 പേരെ നിരീക്ഷണത്തിലാക്കി. ഇതില്‍ 19,199 പേര്‍ വീടുകളിലും 373 പേര്‍ ആശുപത്രിയിലുമാണ് നിരീക്ഷണത്തില്‍ കഴിയുന്നത്. 1,954 കോവിഡ് സെന്‍ററുകളിലും നിരീക്ഷണത്തിലുണ്ട്.
ഇന്ന് ജില്ലയില്‍ പുതുതായി 679 പേര്‍ നിരീക്ഷണത്തിലാക്കിയത്. അതേസമയം 354 പേര്‍ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂര്‍ത്തിയാക്കിയിട്ടുണ്ട്. ജില്ലയിലെ ആശുപത്രികളില്‍ ഇന്ന് രോഗലക്ഷണങ്ങളുമായി 78 പേരെയാണ് പ്രവേശിപ്പിച്ചത്.
മൂന്ന് ദിവസത്തിനിടെ തലസ്ഥാനത്ത് 213 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 190 പേര്‍ക്കും സന്പര്‍ക്കത്തിലൂടെയാണ് രോഗം പിടിപെട്ടത്. ഇന്ന് രോഗം സ്ഥിരീകരിച്ച 95 പേരില്‍ 88 പേരും സമ്ബര്‍ക്കത്തിലൂടെ രോഗമുണ്ടായത്.
