തിരുവനന്തപുരം: ബാങ്കിന്റെ ജപ്തി ഭീഷണിയെത്തുടര്ന്ന് അമ്മയും മകളും തീകൊളുത്തി മരിച്ച സംഭവത്തില് ബാങ്ക് അധികൃതര്ക്കെതിരേ നടപടിയെടുക്കണമെന്ന് ആവശ്യപ്പെട്ട് യൂത്ത് കോണ്ഗ്രസിന്റെ ഉപരോധം.
തിരുവനന്തപുരത്തെ കനറ ബാങ്ക് മേഖലാ ഓഫീസിലേക്ക് യൂത്ത് കോണ്ഗ്രസ് പ്രവര്ത്തകര് തള്ളിക്കയറുകയും ഉപകരണങ്ങള് നശിപ്പിക്കുകയും ചെയ്തു. പോലീസും പ്രവര്ത്തകരും തമ്മിലും സംഘര്ഷമുണ്ടായി.
അതേസമയം, ആക്രമണം ഉണ്ടാകാന് സാധ്യതയുണ്ടെന്ന ഇന്റലിജന്സ് റിപ്പോര്ട്ടിനെ തുടര്ന്ന് തിരുവനന്തപുരത്തെ കനറ ബാങ്കിന്റെ മൂന്നു ശാഖകള് അടയ്ക്കുകയും ചെയ്തു.