ചെന്നൈ: തമിഴ്നാട്ടിലെ ചെങ്കല്‍പ്പേട്ടില്‍ കഴിഞ്ഞ ദിവസം കണ്ടെത്തിയ മൃതദേഹം ജെസ്നയുടേത് അല്ലെന്ന് സഹോദരന്‍ ജെയിസ്. മൃതദേഹത്തിന്‍റെ ഉയരത്തിലും പ്രായത്തിലും വ്യത്യാസമുണ്ട്. പല്ലില്‍ കെട്ടിയ കന്പി ജെസ്നയുടേത് പോലെയല്ലെന്നും ജെയിസ് മാധ്യമങ്ങളോട് പറഞ്ഞു. സംശയം ദൂരീകരിക്കാന്‍ ഡിഎന്‍എ ടെസ്റ്റ് നടത്തുമെന്ന് പോലീസും അറിയിച്ചു.
ജെസ്ന തിരോധാനക്കേസ് അന്വേഷിക്കുന്ന പോലീസിന്‍റെ പ്രത്യേക അന്വേഷണസംഘം കഴിഞ്ഞ ദിവസം തമിഴ്നാട്ടില്‍ എത്തിയിരുന്നു. തിരുവല്ല പ്രിന്‍സിപ്പല്‍ എസ്‌ഐ വിനോദ് കുമാറും സംഘവുമാണ് വെള്ളിയാഴ്ച രാത്രി ചെങ്കല്‍പ്പേട്ടിലെത്തിയത്. ചെങ്കല്‍പ്പേട്ടില്‍ മലയാളി പെണ്‍കുട്ടിയുടേതെന്നു കരുതുന്ന മൃതദേഹം കണ്ടെന്നു തമിഴ്നാട് പോലീസാണ് വിവരം നല്‍കിയത്.
