ന്യൂഡല്ഹി: കോവിഡ് വൈറസ് വ്യാപനത്തിനെതിരായ പ്രതിരോധ പ്രവര്ത്തനങ്ങളില് സംസ്ഥാനങ്ങളെ അഭിനന്ദിച്ച് പ്രധാനമന്ത്രി നരേന്ദ്രമോദി. മഹാമാരിക്കെതിരായ ഇന്ത്യയുടെ നേട്ടത്തിന് ആഗോള ശ്രദ്ധയുണ്ട്. സംസ്ഥാനങ്ങള് യോജിച്ച് മുന്നോട്ടു പോകണമെന്നും മുഖ്യമന്ത്രിമാരുമായുള്ള യോഗത്തില് മോദി പറഞ്ഞു.
രോഗവ്യാപനം കൂടുതലുള്ള മേഖലകള് കേന്ദ്രീകരിച്ച് പ്രവര്ത്തിക്കണം. തീവ്രവ്യാപനമുള്ള സ്ഥലങ്ങളേയും നേരിടേണ്ട രീതിയേയും കുറിച്ച് വ്യക്തമായ ധാരണയുണ്ട്. സാമ്ബത്തികപ്രവര്ത്തനങ്ങള്ക്ക് വരും ദിവസങ്ങളില് വേഗം കൂടുമെന്നും പ്രധാനമന്ത്രി വിഡിയോ കോണ്ഫറന്സില് പറഞ്ഞു. സാമ്ബത്തിക രംഗത്ത് സ്തംഭനാവസ്ഥ വരാതെ നോക്കണം. കൂടുതല് മേഖലകളിലേക്ക് രോഗം പടരാതെ സൂക്ഷിക്കണം. മുന്നോട്ടുള്ള പാത യോജിച്ച് തീരുമാനിക്കാമെന്നും മുഖ്യമന്ത്രിമാരുമായുള്ള യോഗത്തില് പ്രധാനമന്ത്രി കൂട്ടിച്ചേര്ത്തു.
ഇന്നു വൈകുന്നേരം മൂന്നിനു തുടങ്ങിയ പ്രധാനമന്ത്രിയുടെ യോഗം തുടരുകയാണ്. ലോക്ക് ഡൗണ് ആരംഭിച്ച ശേഷം പ്രധാനമന്ത്രി മുഖ്യമന്ത്രിമാരുമായി നടത്തുന്ന അഞ്ചാമത് വീഡിയോ കോണ്ഫറന്സാണിത്.
