കൊല്ലം കളക്ടറേറ്റ് സ്ഫോടന കേസിൽ 3 പ്രതികൾക്ക് ജീവപര്യന്തം തടവുശിക്ഷ വിധിച്ച് കോടതി. തമിഴ്നാട് മധുര സ്വദേശികളായ അബ്ബാസലി, ഷംസൂണ് കരീംരാജ, ദാവൂദ് സുലൈമാൻ എന്നിവർക്കാണ് കോടതി ശിക്ഷ വിധിച്ചത്. കൊല്ലം പ്രിൻസിപ്പൽ സെഷൻസ് കോടതിയാണ് ശിക്ഷ വിധിച്ചത്.
എട്ട് വർഷം ജയിലിൽ കഴിഞ്ഞെന്നും കുറഞ്ഞ ശിക്ഷ നൽകണമെന്നുമാണ് പ്രതികൾ കോടതിയോട് ആവശ്യപ്പെട്ടിരുന്നത്.2016 ജൂണ് 15നായിരുന്നു മുന്സിഫ് കോടതിക്കു സമീപം കിടന്ന തൊഴില് വകുപ്പിന്റെ ഉപയോഗിക്കാത്ത ജീപ്പില് ചോറ്റുപാത്രത്തില് ബോംബുവച്ച് പ്രതികൾ സ്ഫോടനം നടത്തിയത്.
അബ്ബാസ് അലി, ഷംസൂണ് കരിം രാജ, ദാവൂദ് സുലൈമാന്, ഷംസുദ്ദീന് എന്നിവരായിരുന്നു കേസിലെ പ്രതികള്. അതേസമയം കേസിൽ നേരത്തെ നാലാം പ്രതി ഷംസുദ്ദിനെ കോടതി വെറുതെ വിട്ടിരുന്നു.നാലാം പ്രതി ഷംസുദ്ദീനെ മതിയായ തെളിവുകൾ ഇല്ലെന്ന് ചൂണ്ടിക്കാട്ടിയാണ് കോടതി വെറുതെ വിട്ടത്. ഇസ്രത്ത് ജഹാൻ കൊലപാതകത്തിൻ്റെ പശ്ചാത്തലത്തിലാണ് സ്ഫോടനമെന്നായിരുന്നു പൊലീസിൻ്റെ കണ്ടെത്തൽ.
8 വർഷം ജയിലിൽ കഴിഞ്ഞെന്നും കുറഞ്ഞ ശിക്ഷ നൽകണമെന്നും പ്രതികൾ കോടതിയിൽ ആവശ്യപ്പെട്ടിരുന്നു. കേസിൻ്റെ വിചാരണക്കിടെ അഞ്ചാം പ്രതി മുഹമ്മദ് അയൂബിനെ മാപ്പുസാക്ഷിയാക്കിയിരുന്നു. നിരോധിത സംഘടനയായ ബേസ്മൂവ്മെൻ്റിൻ്റെ പ്രവർത്തകരാണ് തമിഴ്നാട് മധുര സ്വദേശികളായ പ്രതികൾ.
