എറണാകുളത്ത് സഹോദരിമാരായ കുട്ടികളെ ബലാത്സംഗത്തിനിരയാക്കിയ സംഭവത്തില് ഞെട്ടിപ്പിക്കുന്ന വിവരങ്ങള് പുറത്ത്.പത്തും പന്ത്രണ്ടും വയസുള്ള പെണ്കുട്ടികള്ക്ക് അമ്മയും ആണ്സുഹൃത്തായ ധനേഷും ചേർന്ന് മദ്യം നല്കി. പ്രതി ധനേഷ് വീട്ടില് എത്തുമ്ബോഴെല്ലാം നിർബന്ധിപ്പിച്ചു മദ്യം കുടിപ്പിച്ചിരുന്നതായും പെണ്കുട്ടികള് മൊഴി നല്കി.
അമ്മയ്ക്കെതിരേ കൂടുതല് തെളിവുകള് പോലീസിന് ലഭിച്ചു.ധനേഷ് ഇവരുടെ കൂട്ടുകാരികളേയും ലക്ഷ്യമിട്ടതായ വിവരവും പുറത്തുവന്നു. കൂട്ടുകാരിയെ കൂട്ടിക്കൊണ്ടുവരാൻ മൂത്ത കുട്ടിയോട് ധനേഷ് ആവശ്യപ്പെട്ടിരുന്നു. ഇക്കാര്യം ചൂണ്ടിക്കാട്ടി കൂട്ടുകാരിക്ക് പെണ്കുട്ടി അയച്ച കത്ത് ക്ലാസ് ടീച്ചർ കണ്ടതോടെയാണ് ഞെട്ടിപ്പിക്കുന്ന ബലാത്സംഗ വിവരം വെളിച്ചത്തുവരുന്നത്.
പന്ത്രണ്ടു വയസുകാരി നടന്നതെല്ലാം ക്ലാസ് ടീച്ചറോട് തുറന്നുപറഞ്ഞു.രണ്ടു വർഷത്തോളമായി പെണ്കുട്ടികളെ ധനേഷ് പീഡിപ്പിക്കുന്നുണ്ട്. ഇവരുടെ അച്ഛൻ ചികിത്സയിലായിരിക്കുന്ന സമയത്താണ് ധനേഷുമായി അമ്മ അടുക്കുന്നത്. അച്ഛനെ ചികിത്സയ്ക്കായി ആശുപത്രിയിലേക്കും മറ്റും കൊണ്ടുപോയിരുന്നത് ധനേഷ് കുമാറിന്റെ ടാക്സിയിലാണ്. ഈ ഘട്ടത്തില് ധനേഷുമായി പെണ്കുട്ടികളുടെ അമ്മ അടുത്തു.
ഇതിനിടെ ചികിത്സയിലായിരുന്ന ഇവരുടെ അച്ഛൻ മരിക്കുകയും ചെയ്തു. ഇതോടെ ധനേഷ് ഇവർക്കൊപ്പം താമസമാക്കി. കുറുപ്പംപടിയില് ഒരു വാടകവീട്ടിലായിരുന്നു ഈ കുടുംബവും താമസിച്ചിരുന്നത്. എല്ലാ ആഴ്ചയിലും ധനേഷ് ഇങ്ങോട്ടേക്ക് എത്താറുണ്ടായിരുന്നുവെന്നാണ് വിവരം. 2023 മുതല് ഇയാള് പെണ്കുട്ടികളെ ശാരീരികമായി ഉപയോഗിച്ചതായും പറയപ്പെടുന്നു.
ഇതിനിടെ സോഷ്യല്മീഡിയയില് കണ്ട പെണ്കുട്ടികളുടെ കൂട്ടുകാരികളെ ധനേഷ് ലക്ഷ്യംവെച്ചു. മൂത്ത പെണ്കുട്ടിയോട് ഒരു കൂട്ടുകാരിയെ പരിചയപ്പെടുത്തി തരണമെന്ന് നിരന്തരം ആവശ്യപ്പെട്ടു. രണ്ടാനച്ഛൻ എന്ന നിലയിലായിരുന്നു പെണ്കുട്ടികള് ധനേഷിനെ കണ്ടിരുന്നത്.
ധനേഷിന്റെ സമ്മർദ്ദത്തിന് വഴങ്ങി പെണ്കുട്ടി തന്റെ സുഹൃത്തിനോട് വീട്ടിലേക്ക് വരാൻ ആവശ്യപ്പെട്ട് ഒരു കുറിപ്പ് എഴുതുകയും ചെയ്തു. അച്ഛന് നിന്നെ കാണണം എന്നായിരുന്നു കത്തില് ആവശ്യപ്പെട്ടിരുന്നത്. ഇത് സ്കൂളിലെ അധ്യാപിക കണ്ടെത്തുകയായിരുന്നു. ഇവർ ഉടനെ പോലീസില് വിവരമറിയിച്ചതിനെ തുടർന്നാണ് ധനേഷ് പെണ്കുട്ടികളെ ദുരുപയോഗം ചെയ്ത വിവരങ്ങള് പുറത്തുവരുന്നത്. അതേസമയം പെണ്കുട്ടികളുടെ അമ്മയെ ഒഴിവാക്കാനാണ് താൻ ഇവരെ പീഡിപ്പിച്ചതെന്നാണ് ധനേഷ് പോലീസിന് നല്കിയ മൊഴി.
മജിസ്ട്രേറ്റ് കോടതി പെണ്കുട്ടികളുടെ രഹസ്യമൊഴി രേഖപ്പെടുത്തിയിരുന്നു. പെണ്കുട്ടികളുടെ സംരക്ഷണം ശിശുക്ഷേമ സമിതി ഏറ്റെടുത്തു.
