ന്യൂഡല്ഹി: ഗവര്ണര് ഭരണം നിലനില്ക്കുന്ന ജമ്മു കാഷ്മീരില് സര്ക്കാര് രൂപീകരിക്കുന്നതുമായി ബന്ധപ്പെട്ട വിഷയം ചര്ച്ച ചെയ്യാന് മുന് പ്രധാനമന്ത്രി മന്മോഹന് സിംഗിന്റെ വസതിയില് കോണ്ഗ്രസ് നേതാക്കളുടെ യോഗം. മുതിര്ന്ന നേതാക്കളായ കരണ് സിംഗ്, ഗുലാം നബി ആസാദ്, പി. ചിദംബരം, അംബിക സോണി, ഗുലാം അഹമ്മദ് മിര് തുടങ്ങിയവാരാണ് യോഗത്തില് പങ്കെടുക്കുന്നത്.പിഡിപിയുമായി ചേര്ന്ന സഖ്യം രൂപീകരിക്കാനാണ് കോണ്ഗ്രസ് നീക്കം. പിഡിപിയുമായുള്ള സഖ്യത്തില്നിന്നു ബിജെപി പിന്മാറിയതോടെയാണ് മുഖ്യമന്ത്രി മെഹബൂബ മുഫ്തി രാജിവച്ചത്.
87 സീറ്റുള്ള കാഷ്മീരില് മന്ത്രിസഭ രൂപീകരിക്കാന് 44 പേരുടെ പിന്തുണയാണ് വേണ്ടത്. കോണ്ഗ്രസിന് 12 സീറ്റുകള് മാത്രമാണ് ഉള്ളത്. പിഡിപിക്കു 28 സിറ്റുകളും. സിപിഐയെയും മറ്റ് നാല് പേരെ കൂടിയും ചേര്ത്ത് സഖ്യം രൂപീകരിക്കാനാണ് കോണ്ഗ്രസ് നീക്കമെന്നാണ് സൂചന. സിപിഐക്ക് ഒരു സീറ്റ് മാത്രമാണ് ഉള്ളത്. ബിജെപിക്ക് 25 സീറ്റുകളുണ്ട്.