രകൊറിയയ്ക്ക് എതിരേയുള്ള ഉപരോധം പിന്‍വലിക്കണമെന്നു പുതുവത്സര സന്ദേശത്തില്‍ യുഎസിനോട് കിം നിര്‍ദേശിച്ചു.ആണവനിരായുധീകരണ ചര്‍ച്ചയ്ക്കായി യുഎസ് പ്രസിഡന്‍റ് ഡോണള്‍ഡ് ട്രംപുമായി എപ്പോള്‍ വേണമെങ്കിലും കൂടിക്കാഴ്ച നടത്താന്‍ തയാറാണെന്ന് ഉത്തരകൊറിയന്‍ പ്രസിഡന്‍റ് കിം ജോംഗ് ഉന്‍ വ്യക്തമാക്കി.
ഉപരോധം ഏര്‍പ്പെടുത്തിയും മറ്റു തരത്തില്‍ സമ്മര്‍ദത്തിലാക്കിയും ഉത്തരകൊറിയയെ വരുതിക്കു നിര്‍ത്താനുള്ള യുഎസിന്‍റെ ശ്രമം വിലപ്പോവില്ലെന്നും അങ്ങനെ വന്നാല്‍ രാജ്യത്തിന്‍റെ പരമാധികാരം സംരക്ഷിക്കുന്നതിനു പുതി‌യ വഴി തേടാന്‍ പ്യോഗ്യാംഗ് നിര്‍ബന്ധിതമാവുമെന്നും പുതുവത്സര ദിനത്തില്‍ നല്‍കിയ സന്ദേശത്തില്‍ കിം മുന്നറിയിപ്പു നല്‍കി. കിമ്മിന്‍റെ പ്രസംഗം രാജ്യവ്യാപകമായി കൊറിയന്‍ സെന്‍ട്രല്‍ ടെലിവിഷന്‍ സംപ്രേഷണം ചെയ്തു.
ദക്ഷിണ കൊറിയയുമായുള്ള സംയുക്ത സൈനികാഭ്യാസം യുഎസ് ഉപേക്ഷിക്കണമെന്നും കിം ആവശ്യപ്പെട്ടു. സിംഗപ്പൂര്‍ ഉച്ചകോടിയില്‍ നല്‍കിയ വാഗ്ദാനങ്ങള്‍ പാലിക്കുന്നതില്‍ യുഎസ് വീഴ്ച വരുത്തുന്നത് അനുവദിക്കാനാവില്ല . അതേസമയം ഉത്തരകൊറിയയിലെ ഡയമണ്ട് മൗണ്ടന്‍ റിസോര്‍ട്ടിലേക്ക് ദക്ഷിണകൊറിയയില്‍നിന്നുള്ള വിനോദസഞ്ചാരം പുനരാരംഭിക്കാന്‍ അനുമതി നല്‍കാമെന്ന് കിം അറിയിച്ചു .
