തിരുവനന്തപുരം: പെരുമാറ്റത്തിലെ മര്യാദ എന്നത് ഇന്ത്യന് രാഷ്ട്രീയത്തിലെ അപൂര്വ ഗുണമമാണെന്നും അത് പ്രതിരോധമന്ത്രി നിര്മല സീതാരാമനില് കാണാമെന്നും കോണ്ഗ്രസ് നേതാവ് ശശി തരൂര്. തെരഞ്ഞെടുപ്പ് പ്രചാരണത്തിനിടെ ആശുപത്രിയില് തന്നെ സന്ദര്ശിച്ച നിര്മല സീതാരാമനെ ട്വിറ്ററിലൂടെയാണ് തരൂര് പുകഴ്ത്തിയത്. തുലാഭാരം നടത്തുന്നതിനിടെ ത്രാസ് പൊട്ടി തലയ്ക്കു പരിക്കേറ്റ് ചികിത്സയില് കഴിയുന്ന തരൂരിനെ തിങ്കളാഴ്ച പ്രതിരോധ മന്ത്രി സന്ദര്ശിച്ചിരുന്നു.
കേരളത്തിലെ സജീവമായ തെരഞ്ഞെടുപ്പ് പ്രചരണ പരിപാടികള്ക്കിടെ രാവിലെ ആശുപത്രിയിലെത്തി നിര്മല സീതാരാമന് സന്ദര്ശിച്ചതായി തരൂര് ട്വീറ്റ് ചെയ്തു. സീതാരാമന് തന്റെ കരം പിടിച്ചു. ഇന്ത്യന് രാഷ്ട്രീയത്തിലെ അപൂര്വ ഗുണമമാണ് പെരുമാറ്റത്തിലെ മര്യാദ എന്നത്. ഇത് നിര്മല സീതാരാമന്റെ പ്രവര്ത്തികളില് കാണാമെന്നും അദ്ദേഹം ട്വീറ്റ് ചെയ്തു.