ന്യൂഡല്‍ഹി: അസം പരത്വ രജിസ്റ്ററിന്‍റെ അന്തിമ പട്ടിക പുറത്തിറക്കിയതിനു പിന്നാലെ വിഷയം ചര്‍ച്ച ചെയ്യുന്നതിന് കോണ്‍ഗ്രസ് അടിയന്തിര നേതൃയോഗം ചേരും. പാര്‍ട്ടി ഇടക്കാല പ്രസിഡന്‍റ് സോണിയ ഗാന്ധിയുടെ വസതിയായ 10 ജന്‍പഥിലാണ് യോഗ ചേരുക.
ഇന്ന് പ്രസിദ്ധീകരിച്ച പട്ടികയില്‍ 3.11 കോടി പേര്‍ ഉള്‍പ്പെട്ടപ്പോള്‍ 19 ലക്ഷം പേര്‍ പട്ടികയ്ക്ക് പുറത്തായി. പട്ടികയ്ക്ക് പുറത്തായവര്‍ക്ക് ട്രൈബ്യൂണലിന സമീപിക്കാം. രാവിലെ 10ഓടെ ഓണ്‍ലൈന്‍ വഴിയാണ് കേന്ദ്രസര്‍ക്കാര്‍ പട്ടിക പുറത്തിറക്കിയത്. നേരത്തെ, 41 ലക്ഷത്തോളം പേര്‍ അന്തിമ രജിസ്റ്ററില്‍ ഉണ്ടാകില്ലെന്നായിരുന്നു വിവരം
