അമൃത്സര്‍: പഞ്ചാബില്‍ സംശയാസ്പദമായ സാഹചര്യത്തില്‍ നാല് പേരെ കണ്ടതിനെ തുടര്‍ന്നു തെരച്ചില്‍ ഉൗര്‍ജിതമാക്കി. പത്താന്‍കോട്ട്-ഗുര്‍ദാസ്പൂര്‍ അതിര്‍ത്തിലാണ് സംഘത്തെ കണ്ടത്. പോലീസ് നടത്തിയ അന്വേഷണത്തില്‍ ഉപേക്ഷിച്ച നിലയില്‍ ജമ്മു കാഷ്മീര്‍ രജിസ്ട്രേഷനുള്ള കാര്‍ കണ്ടെത്തിയിട്ടുണ്ട്.
വാഹനപരിശോധനയ്ക്കിടെ നിര്‍ത്താതെ പോയ കാറാണ് കണ്ടെത്തിയതെന്നും അധികൃതര്‍ അറിയിച്ചു. ഈ കാറിലാണ് സംഘമെത്തിയതെന്നാണ് സംശയിക്കുന്നത്. ഈ മാസം 14നും ഒരു സംഘം പഞ്ചാബില്‍ കാര്‍ തട്ടിയെടുത്തിരുന്നു. സംഭവത്തെ തുടര്‍ന്നു പത്താന്‍കോട്ടും ഗുര്‍ദാസ്പൂരിലും ജാഗ്രതാ നിര്‍ദേശം നല്‍കി.
