തിരുവനന്തപുരം: ഷുഹൈബിന്റെ കൊലപാതകത്തില് സി.ബി.ഐ അന്വേഷണം നടത്തണമെന്ന് ആവശ്യപ്പെട്ട് യൂത്ത്കോണ്ഗ്രസ് നടത്തിയ സെക്രട്ടറിയേറ്റ് മാര്ച്ചില് സംഘര്ഷം. സെക്രട്ടറിയേറ്റിലേക്ക് മാര്ച്ച് നടത്തിയ യൂത്ത്കോണ്ഗ്രസ് പ്രവര്ത്തകരെ പൊലീസിന് ഗെയിറ്റിന് മുന്നില് തടഞ്ഞു. തുടര്ന്ന് പ്രവര്ത്തകര് പൊലീസിന് നേരെ കല്ലെറിയുകയായിരുന്നു. പ്രവര്ത്തകരെ പിരിച്ച് വിടാന് പൊലീസ് കണ്ണീര്വാതകം പ്രയോഗിച്ചു. സ്ഥലത്ത് സംഘര്ഷാവസ്ഥ തുടരുകയാണ്.
ഷുഹൈബ് വധത്തില് സി.ബി.ഐ അന്വേഷണം നടത്താനാവില്ലെന്ന് മുഖ്യമന്ത്രി പിണറായി വിജയന് നിയമസഭയില് അറിയിച്ചിരുന്നു. ഷുഹൈബ് വധത്തില് സി.ബി.ഐ അന്വേഷണം ആവശ്യപ്പെട്ട് സംസ്ഥാന വ്യാപകമായി പ്രക്ഷോഭം ശക്തമാക്കുമെന്ന് യൂത്ത്കോണ്ഗ്രസ് വ്യക്തമാക്കിയിരുന്നു.
