ശബരിമല യുവതി പ്രവേശന വിധിയുമായി ബന്ധപ്പെട്ട് നിലനില്ക്കുന്ന കേസില് രഹ്ന ഫാത്തിമയ്ക്ക് ജ്യാമ വ്യവസ്ഥയില് ഇളവ് നല്കരുതെന്ന് സുപ്രീം കോടതിയില് ആവശ്യപ്പെട്ട് സംസ്ഥാനം.
സുപ്രീം കോടതിയില് സംസ്ഥാനം സത്യവാങ്മൂലം സമര്പ്പിച്ചു.
കോടതി നല്കിയ വ്യവസ്ഥകള് പലകുറി ലംഘിച്ചുവെന്നും മതവികാരം വ്രണപ്പെടുത്തുന്ന പോസ്റ്റുകള് വീണ്ടും സമൂഹ മാധ്യമങ്ങളില് പ്രചരിപ്പിച്ചുവെന്നും സത്യവാങ്മൂലത്തില് പറയുന്നു. ജാമ്യവ്യവസ്ഥയില് ഇളവ് തേടിയുള്ള രഹ്ന ഫാത്തിമയുടെ ഹര്ജി തള്ളണമെന്നും സത്യവാങ്മൂലത്തിലൂടെ ആവശ്യപ്പെടുന്നു. സംസ്ഥാനത്തിനായി കൗണ്സില് ഹര്ഷദ് വി ഹമീദാണ് സത്യവാങ്മൂലം സമര്പ്പിച്ചത്.
യുവതി പ്രവേശന വിധിയുമായി ബന്ധപ്പെട്ട് ശബരിമലയില് ക്ഷേത്ര ദര്ശനത്തിന് ശ്രമിച്ച രഹ്ന ഫാത്തിമക്കെതിരെ പത്തനംതിട്ട പൊലീസ് എടുത്ത കേസില് ഹൈക്കോടതി നല്കിയ ജാമ്യത്തിലെ വ്യവസ്ഥകള് ലഘൂകരിക്കണമെന്ന് ആവശ്യപ്പെട്ടാണ് രഹ്ന ഫാത്തിമ ഹര്ജി നല്കിയത്. ഇതില് ആണ് സര്ക്കാരിന്റെ സത്യവാങ്മൂലം.
