കോട്ടയം: പാലാ ഉപതെരഞ്ഞെടുപ്പില് നിഷ ജോസ് കെ. മാണി യുഡിഎഫ് സ്ഥാനാര്ഥിയായേക്കുമെന്ന് സൂചന. നിഷയെ സ്ഥാനാര്ഥിയാക്കാനുള്ള ചര്ച്ചകള് കേരള കോണ്ഗ്രസ്-എമ്മിനുള്ളില് നടക്കുന്നുണ്ട്. നിഷയെ സ്ഥാനാര്ഥിയാക്കണമെന്ന് യൂത്ത്ഫ്രണ്ടും വനിതാ വിഭാഗവും ആവശ്യപ്പെട്ടു.
പാലായില് സ്ഥാനാര്ഥിയെന്ന നിലയില് അവതരിപ്പിക്കാവുന്ന മുഖങ്ങള് വേറെയില്ല എന്നതാണ് നിഷയ്ക്ക് സാധ്യത വര്ധിപ്പിക്കുന്നത്. സ്ഥാനാര്ഥി നിര്ണയം സംബന്ധിച്ച് ഇന്ന് ഉച്ചയ്ക്ക് പാലായില് ജോസ് വിഭാഗം നേതാക്കളുടെ യോഗം വിളിച്ചു ചേര്ത്തിട്ടുണ്ട്. ഇതിനുശേഷം അന്തിമ തീരുമാനമുണ്ടാകുമെന്നാണ് പ്രതീക്ഷ.
