കാക്കനാട് ഡിഎല്എഫ് ഫ്ളാറ്റ് സമുച്ചയത്തില് നിന്ന് ആരോഗ്യ വകുപ്പ് പരിശോധനയ്ക്ക് അയച്ച സാമ്ബിളുകളില് കോളിഫോം ബാക്ടീരിയകളുടെ സാന്നിധ്യം സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ്.
ഫലം ലഭിച്ച മൂന്ന് സാമ്ബിളുകളിലാണ് കോളിഫോം ബാക്ടീരിയകളുടെ സാന്നിധ്യം സ്ഥിരീകരിച്ചത്.ഫ്ളാറ്റിലെ വിവിധ കുടിവെള്ള സ്രോതസുകളായ ഓവര്ഹെഡ് ടാങ്കുകള്, ബോര്വെല്ലുകള്, ഡൊമെസ്റ്റിക്ക് ടാപ്പുകള്, കിണറുകള്, ടാങ്കര് ലോറികളില് സപ്ലൈ ചെയ്യുന്ന വെള്ളം എന്നിവയില് നിന്നായി ഇതുവരെ 46 സാമ്ബിളുകളാണ് പരിശോധനയ്ക്ക് അയച്ചിട്ടുള്ളത്.
ഇവയില് 19 സാമ്ബിളുകളിലെ പ്രാഥമിക റിപ്പോര്ട്ട് ലഭിച്ചതില് പലതിലും ബാക്ടീരിയുടെ സാന്നിധ്യം കാണുന്നുണ്ട്. വിശദമായ പരിശോധനാ റിപ്പോര്ട്ട് ലഭ്യമാകാനുണ്ട്. ഇത് സൂചിപ്പിക്കുന്നത് വെള്ളത്തിന്റെ ഗുണനിലവാരം മോശമെന്നാണ്. ആയതിനാല് തന്നെ ആരോഗ്യ വകുപ്പിന്റെ മേല്നോട്ടത്തില് സൂപ്പര് ക്ലോറിനേഷന് നടത്തി വരുന്നു.
ഇന്ന് മുതല് ആരോഗ്യ വകുപ്പ് വിവിധ ഫ്ളാറ്റുകളില് ഉപയോഗിക്കുന്ന വെള്ളത്തിന്റെ നിശ്ചിത സാമ്ബിളുകള് രണ്ട് നേരം പരിശോധിച്ച് ക്ലോറിന്റെ അളവ് വിലയിരുത്തി വരുന്നതായും മന്ത്രി വ്യക്തമാക്കി
