ന്യൂഡല്ഹി: ബിജെപി നേതാവും മുന് കേന്ദ്രമന്ത്രിയുമായ സ്വാമി ചിന്മയാനന്ദിനെതിരേ ലൈംഗികപീഡനത്തിനു പരാതി നല്കിയ നിയമവിദ്യാര്ഥിനി അറസ്റ്റില്. ചിന്മയാനന്ദിനെ ഭീഷണിപ്പെടുത്തി പണം തട്ടിയെടുത്തെന്ന കേസിലാണ് അറസ്റ്റിലായത്.
കേസില് അറസ്റ്റില്നിന്നും പരിരക്ഷ വേണമെന്ന് ആവശ്യപ്പെട്ട് ഷാജഹാന്പുരിലെ സെഷന്സ് കോടതിയെ സമീപിച്ചതിനു തൊട്ടടുത്ത ദിവസമാണ് അറസ്റ്റ് ഉണ്ടായിരിക്കുന്നത്. രാവിലെ വീട്ടിലെത്തിയ പോലീസ് പെണ്കുട്ടിയെ ബലമായി വലിച്ചിറക്കി കൊണ്ടുപോകുകയായിരുന്നെന്ന് മാതാപിതാക്കള് പറഞ്ഞു. ചെരുപ്പ് പോലും എടുക്കാന് പോലീസ് സമ്മതിച്ചില്ലെന്നും ഇവര് ആരോപിക്കുന്നു.
