കോട്ടയം: കഴിഞ്ഞ മൂന്ന് തവണ കൈവിട്ടെങ്കിലും ഇത്തവണ പാലാക്കാര് മാണി സി.കാപ്പനെ കൈപിടിച്ച് കയറ്റി. കെ.എം.മാണിഅടക്കി വാണിരുന്ന പാലാ നിയമസഭാ മണ്ഡലത്തെ ഇനി മറ്റൊരു മാണി നയിക്കും. 2943 വോട്ടുകളുടെ ഭൂരിപക്ഷത്തിന് യുഡിഎഫിന്റെ ടോം ജോസിനെ അട്ടിമറിച്ചാണ് മാണി സി.കാപ്പന് വിജയിച്ചിരിക്കുന്നത്.
54137 വോട്ടുകള് മാണി സി.കാപ്പന് നേടിയപ്പോള് 51194 വോട്ടുകളെ ടോം ജോസിന് നേടാനായുള്ളൂ. ബിജെപി സ്ഥാനാര്ഥി എന്.ഹരിക്ക് 18044 വോട്ടുകള് മാത്രമാണ് ലഭിച്ചത്.
കെ.എം.മാണിയുടെ മണ്ഡലത്തില് വോട്ടെണ്ണലിന്റെ ഒരു ഘട്ടത്തില് പോലും ജോസ് ടോമിന് മുന്നിലെത്താന് സാധിക്കാത്തത് കേരള കോണ്ഗ്രസിനും യുഡിഎഫിനും കനത്ത നാണക്കേടുണ്ടാക്കി. അപ്രതീക്ഷിതമായിരുന്നു മാണി സി.കാപ്പന്റെ മുന്നേറ്റം.
