മോഹന്ലാല് – പ്രിയദര്ശന് കൂട്ടുകെട്ടില് ഒരുങ്ങുന്ന ചിത്രമാണ് കുഞ്ഞാലി മരയ്ക്കാര് അറബിക്കടലിന്റെ സിംഹം. വമ്ബന് താര നിരയാണ് ചിത്രത്തിന് ഉള്ളത്. മോഹന്ലാല്, പ്രഭു, അര്ജുന്, സുനില് ഷെട്ടി, പ്രണവ് മോഹന്ലാല്, മഞ്ജു വാരിയര്, കീര്ത്തി സുരേഷ്,കല്യാണി പ്രിയദര്ശന് എന്നിവരാണ് ചിത്രത്തിലെ താരങ്ങള്. ഇപ്പോള് ചിത്രത്തിലെ ലൊക്കേഷന് സ്റ്റില് പുറത്തുവിട്ടു. താടി ഒക്കെ വച്ചുള്ള മോഹന്ലാലും, പ്രഭുവും, മഞ്ജു വാരിയരും ഒരുമിച്ചുള്ള സ്റ്റില് ആണ് പുറത്തുവിട്ടിരിക്കുന്നത്.
മലയാളത്തിലെ ഏറ്റവും മുതല് മുടക്കില് എത്തുന്ന ചിത്രം എന്ന ടാഗ് ലൈനോടെ ആണ് കുഞ്ഞാലി മരയ്ക്കാര് എത്തുന്നത്. ആശിര്വാദ് സിനിമാസ്, മൂണ് ഷോട്ട് എന്റര്ടൈന്മെന്റ്, കോണ്ഫിഡന്സ് ഗ്രൂപ്പ് എന്നിവര് ചേര്ന്നാണ് ചിത്രം നിര്മ്മിക്കുന്നത്. കുഞ്ഞാലി മരയ്ക്കാറിന്റെ ചെറുപ്പകാലമാകും പ്രണവ് അവതരിപ്പിക്കുക. ചിത്രത്തിന്റെ ആദ്യപകുതിയിലാണ് പ്രണവിന്റെ രംഗങ്ങള്. കുഞ്ഞാലി ഒന്നാമനായി മലയാളത്തിന്റെ പ്രിയ നടന് മധുവാണ് എത്തുന്നത്. പ്രിയദര്ശന്റെ തൊണ്ണൂറ്റിയഞ്ചാമത്തെ സിനിമ കൂടിയാണിത്.
