തമിഴ്നാട്ടിലെ കള്ളക്കുറിച്ചി വിഷമദ്യ ദുരന്തത്തില് മരണം 29 ആയി. ആശുപത്രികളില് ചികിത്സയിലുള്ള ആറു പേരുടെ നില ഗുരുതരമായി തുടരുകയാണ്.
അതേസമയം, വിഷമദ്യ ദുരന്തത്തില് സര്ക്കാര് പ്രഖ്യാപിച്ച സിബിസിഐഡി അന്വേഷണം ഇന്ന് തുടങ്ങും. ഇതിനിടെ ഫോറന്സിക് പരിശോധനയില് മദ്യത്തില് മെഥനോളിന്റെ അംശം തിരിച്ചറിഞ്ഞു. സംഭവത്തില് അറസ്റ്റിലായ കണ്ണു കുട്ടു എന്ന ഗോവിന്ദരാജിന്റെ ചോദ്യം ചെയ്യല് തുടരുകയാണ്. മദ്യം ഉണ്ടാക്കാന് രാസപദാര്ത്ഥങ്ങള് സംഭരിച്ച ഇടങ്ങളെക്കുറിച്ച് അന്വേഷണം നടത്തും.
വിഷ മദ്യ ദുരന്തത്തില് 60ലധികം പേര് പുതുച്ചേരി, സേലം, വിഴുപ്പുറം എന്നിവിടങ്ങളിലെ ആശുപത്രിയില് ചികിത്സയിലാണ്. ആശുപത്രിയിലുള്ള ഒമ്ബതു പേരുടെ നില ഗുരുതരമായി തുടരുകയാണ്. ലോഡിംഗ് തൊഴിലാളികളും ദിവസ വേതനക്കാരുമാണ് അപകടത്തില് പെട്ടതെന്നാണ് വിവരം
