ന്യൂഡല്ഹി: ഐ.എസ്.ആര്.ഒ ചാരകേസില് സി.ബി.ഐ അന്വേഷണം വേണ്ടതില്ലെന്ന് സുപ്രീംകോടതി. കേസില് സി.ബി.ഐ അന്വേഷണം വേണമെന്നാവശ്യപ്പെട്ട് ശാസ്ത്രജ്ഞന് നമ്പി നാരായണന് സമര്പ്പിച്ച ഹരജിയിലാണ് കോടതി വിധി.അന്വേഷണവും നഷ്ടപരിഹാരവും സംസ്ഥാന സര്ക്കാര് തീരുമാനിക്കണം. ആരോപണ വിധേയരായ ഉദ്യോഗസ്ഥര്ക്കതെരെ ക്രിമിനല് നടപടി ആവവശ്യമില്ല. നമ്പി നാരായണന് ആദ്യം സംസ്ഥാന സര്ക്കാര് നഷ്ടപരിഹാരം നല്കട്ടെ. ഉദ്യോഗസ്ഥര് കുറ്റക്കാരെന്ന് കണ്ടെത്തിയാല് അവരില് നിന്ന് തുക ഈടാക്കാമെന്നും കോടതി നിരീക്ഷിച്ചു.
ചാരകേസില് അന്വേഷണത്തിന് തയാറെന്ന് സി.ബി.ഐ സുപ്രീംകോടതിയെ അറിയിച്ചിരുന്നു. കേസില് കസ്റ്റഡി പീഡനം നടന്നിട്ടുണ്ടെന്നും നമ്ബി നാരായണനെ കരുതിക്കൂട്ടി പീഡിപ്പിച്ചുവെന്നും സിബി.ഐ കേസ് പരിഗണിക്കുമ്ബോള് കോടതിയില് വ്യക്തമാക്കിയിരുന്നു.
അന്വേഷണ ഉദ്യോഗസ്ഥരുടെ നടപടി തന്റെയും രാജ്യത്തിന്റെയും ഭാവിയെ ബാധിച്ചു. അമേരിക്കന് പൗരത്വവും നാസയുടെ ഫെലോഷിപ്പും വേണ്ടെന്നുവെച്ച് രാജ്യത്തിനുവേണ്ടി സേവനമനുഷ്ഠിക്കാനെത്തിയ തന്റെ ഭാവി ചാരക്കേസ് ഇല്ലാതാക്കിയെന്നും ചൂണ്ടിക്കാട്ടിയാണ് നമ്പി നാരായണന് സുപ്രീംകോടതിയെ സമീപിച്ചത്.
