2026 ഫിഫ ലോകകപ്പില് രണ്ടാമതും മുത്തമിട്ടതിന് പിന്നാലെ സ്പാനിഷ് ഫുട്ബോള് ടീമിനെ കാത്തിരിക്കുന്നത് ചരിത്രത്തിലെ ഏറ്റവും ഉയർന്ന സമ്മാനത്തുക.കലാശപ്പോരാട്ടത്തില് അർജന്റീനയെ എതിരില്ലാത്ത ഒരു ഗോളിന് തകർത്താണ് ലൂയിസ് ഡി ലാ ഫ്യൂന്റെയുടെ സ്പെയിൻ ലോക ചാമ്പ്യന്മാരായത്. അധികസമയത്തിന്റെ 106-ാം മിനിറ്റില് ഫെറാൻ ടോറസാണ് സ്പെയിനിന്റെ വിജയഗോള് കുറിച്ചത്.
ലോകകപ്പ് വിജയത്തോടെ സ്പാനിഷ് ഫുട്ബോള് ഫെഡറേഷന് 5.1 കോടി ഡോളറാണ് (ഏകദേശം 426 കോടി രൂപ) ഫിഫയില് നിന്ന് ലഭിക്കുക.(Spain Earns Record Prize Money After Winning 2026 FIFA World Cup Final)കളിക്കാർക്കും ഫെഡറേഷനും തമ്മിലുള്ള മുൻകൂട്ടി ഉണ്ടാക്കിയ കരാർ അനുസരിച്ച് ഈ വൻ തുകയുടെ വലിയൊരു വിഹിതം താരങ്ങള്ക്ക് ബോണസായി ലഭിക്കും. ലഭിക്കുന്ന ആകെ തുകയുടെ 45 ശതമാനമാണ് സ്പാനിഷ് താരങ്ങള്ക്കായി വീതിച്ചു നല്കുക.
ഇതുപ്രകാരം 26 അംഗ സ്പാനിഷ് സ്ക്വാഡിലെ ഓരോ കളിക്കാരനും നികുതി കിഴിക്കുന്നതിന് മുൻപ് ഏകദേശം 8,82,700 ഡോളർ (ഏകദേശം 7.3 കോടി രൂപ) ലഭിക്കും. ബാക്കി തുക ടൂർണമെന്റ് ചിലവുകള്ക്കായും സ്പാനിഷ് ഫുട്ബോളിന്റെ വളർച്ചയ്ക്കായും ഫെഡറേഷൻ ഉപയോഗിക്കും.
