പ്രശസ്ത കലാസംവിധായകന് ആര്ട്ടിസ്റ്റ് കിത്തോ അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. 30ലേറെ സിനിമകള്ക്ക് കലാസംവിധാനം നിര്വഹിച്ചിട്ടുണ്ട്. ‘ഉണ്ണിക്കൃഷ്ണന്റെ ആദ്യ ക്രിസ്മസ്’ എന്ന സിനിമയുടെ നിര്മാതാവാണ്.കുറ്റിക്കാട്ട് പൈലിയുടേയും വെറോണിയുടേയും മകനായി കൊച്ചിയിലാണ് കിത്തോയുടെ ജനനം.
1975 മുതല് ചിത്ര കലാരംഗത്ത് സജീവമായിരുന്നു കിത്തോ. ജേസി, ഐ.വി. ശശി എന്നീ സംവിധായകരുടെ ചിത്രങ്ങളിലൂടെ സിനിമാമേഖലയില് സജീവമായ കിത്തോയുടെ പരസ്യങ്ങള് പിന്നീട് മലയാള ചലച്ചിത്രലോകത്ത് ട്രെന്ഡ് സെറ്ററുകളായി.പില്ക്കാലത്ത് സിനിമാ മേഖലയില് നിന്ന് പിന്വാങ്ങിയ കിത്തോ ആത്മീയ ജീവിതത്തിലേക്കും ബൈബിള് സംബന്ധിയായ പുസ്തകങ്ങളിലെ ഇല്ലസ്ട്രേഷനുകളിലേക്കും തിരിഞ്ഞു.
കൊച്ചിയില് ‘കിത്തോസ് ആര്ട്ട്’ എന്ന സ്ഥാപനം ഇളയ മകന് കമല് കിത്തോക്കൊപ്പം നടത്തിയിരുന്നു. ഭാര്യ ലില്ലി, മൂത്ത മകന് അനില്.