പാർലമെന്റ് മെമ്പറും കോൺഗ്രസ് മുൻ ദേശീയ അധ്യക്ഷനുമായ രാഹുൽ ഗാന്ധിയുടെ ഓഫീസ് ആക്രമിച്ച സംഭവത്തിൽ കൽപ്പറ്റ ഡിവൈഎസ്പിയെ അന്വേഷണ വിധേയമായി സസ്പെന്റ് ചെയ്യാൻ മുഖ്യമന്ത്രി നിര്ദ്ദേശിച്ചു.
കൽപ്പറ്റ ഡിവൈഎസ്പിയുടെ ചുമതല മറ്റൊരു ഓഫീസർക്ക് നൽകാൻ ഡിജിപിയെ ചുമതലപ്പെടുത്തി. വയനാട് എംപി രാഹുല് ഗാന്ധിയുടെ ഓഫീസിലേക്ക് നടന്ന മാര്ച്ചും തുടര്ന്നുണ്ടായ അനിഷ്ടസംഭവങ്ങളും സംബന്ധിച്ച് സര്ക്കാര് ഉന്നതതല അന്വേഷണം നടത്തും.
പൊലീസ് ആസ്ഥാനത്തെ എഡിജിപിയെ ചുമതലപ്പെടുത്തി അന്വേഷണം നടത്തി ഒരാഴ്ചയ്ക്കകം റിപ്പോര്ട്ട് സമര്പ്പിക്കുന്നതിന് ആഭ്യന്തര അഡിഷണല് ചീഫ് സെക്രട്ടറിക്ക് മുഖ്യമന്ത്രി നിര്ദ്ദേശം നല്കി