തിരുവനന്തപുരം: സുപ്രീംകോടതി വിധി അനുകൂലമായതോടെ പ്ലസ് വണ് പരീക്ഷയുടെ പുതുക്കിയ ടൈംടേബിൾ ഉടൻ പുറത്തിറക്കാൻ സർക്കാർ തീരുമാനിച്ചു. ഇന്നോ തിങ്കളാഴ്ചയോ സമയക്രമം പരസ്യപ്പെടുത്താനാണ് സർക്കാർ നടപടികൾ സ്വീകരിക്കുന്നതെന്ന് വിദ്യാഭ്യസമന്ത്രി വി.ശിവൻകുട്ടി വ്യക്തമാക്കി.
അടുത്തയാഴ്ചയോടെ പരീക്ഷ തുടങ്ങുന്ന രീതിയിലായിരിക്കും സമയക്രമം നിശ്ചയിക്കുക. കുട്ടികൾക്ക് പരീക്ഷയ്ക്ക് തയാറെടുക്കുന്നതിനായി ഇടവേള നൽകിയായിരിക്കും സമയക്രമം നിശ്ചയിക്കുക. പരീക്ഷകൾക്ക് മുൻപ് എല്ലാ സ്കൂളിലും അണുനശീകരണം നടത്തുമെന്നും കോവിഡ് മാനദണ്ഡം പൂർണമായും പാലിച്ചാകും പരീക്ഷ നടത്തുകയെന്നും കുട്ടികൾ ആശങ്കപ്പെടേണ്ട സാഹചര്യമില്ലെന്നും വിദ്യാഭ്യാസമന്ത്രി അറിയിച്ചിട്ടുണ്ട്.