തലശ്ശേരി ഫസല് വധക്കേസ് പ്രതി സിപിഎം നേതാവ് കാരായി രാജനെതിരെ ജാമ്യമില്ലാ വാറണ്ട്. കേസില് പ്രതികളെ കുറ്റപത്രം വായിച്ചു കേള്പ്പിക്കുന്ന സമയത്ത് കോടതിയില് ഹാജരാവാത്തതിനെ തുടര്ന്നാണ് എറണാകുളത്തെ പ്രത്യേക സിബിഐ കോടതി അറസ്റ്റ് വാറണ്ട് പുറപ്പെടുവിച്ചത്. കേസ് നവംബര് ഒമ്പതിന് പരിഗണിക്കും.
കാരായി രാജന്റെ അവധി അപേക്ഷ കോടതി തള്ളി. കൊടി സുനിയടക്കം ഏഴു പേര്ക്കെതിരേയാണ് കുറ്റപത്രം സമര്പ്പിച്ചത്. 2006 ഒക്ടോബര് 22ന് തലശ്ശേരിയില് മുഹമ്മദ് ഫസല് കൊല്ലപ്പെടുന്നത്. തലശ്ശേരി സെയ്ദാര് പള്ളിക്കു സമീപം 2006 ഒക്ടോബര് 22നു (റമളാന് മാസത്തിലെ അവസാന നോമ്പ് ദിവസം) പുലര്ച്ചെയാണ് പത്രവിതരണക്കാരനായ ഫസല് കൊല്ലപ്പെട്ടത്.