ഇറാന് മുന്നറിയിപ്പുമായി വീണ്ടും ഇസ്രായേല്‍. തങ്ങള്‍ക്കെതിരായ ഏതൊരു നീക്കത്തിനും കനത്ത വില നല്‍കേണ്ടി വരുമെന്ന് ഇസ്രായേല്‍ ഇറാന് മുന്നറിയിപ്പ് നല്‍കി.
തുര്‍ക്കിയില്‍ ഇസ്രായേല്‍ വംശജരെ അപായപ്പെടുത്താനുള്ള പദ്ധതി തകര്‍ത്തതായും ഇസ്രായേല്‍ അറിയിച്ചു.
ഇസ്രായേലികളെ വകവരുത്താന്‍ തീവ്രവാദികളെ അയക്കുന്നവര്‍ വലിയ വില നല്‍കേണ്ടി വരുമെന്നാണ് നഫ്താലി ബെന്നറ്റിന്‍റെ താക്കീത്. കഴിഞ്ഞ ആഴ്ചയിലാണ് ഇസ്തംബുളില്‍ ഇസ്രായേല്‍ വംശജരെ ലക്ഷ്യം വെച്ചുള്ള ഇറാന് നീക്കം തകര്‍ത്തതെന്നും ഇസ്രായേല്‍ പറയുന്നു.
ഇറാന്‍റെ ആണവ, മിസൈല്‍ സാങ്കേതികത തകര്‍ക്കാന്‍ പ്രാപ്തിയുണ്ടെന്ന് ഇസ്രായേല്‍ പ്രധാനമന്ത്രി നഫ്താലി ബെന്നറ്റ് പ്രതികരിച്ചു.
ഇറാന് വെളിയില്‍ ഇസ്രായേല്‍ കേന്ദ്രങ്ങള്‍ക്കും വ്യക്തികള്‍ക്കുമെതിരെ തെഹ്റാന്‍ ആസൂത്രിതനീക്കം നടത്തുന്നതിന്‍റെ തെളിവ് വൈകാതെ പുറത്തുവിടുമെന്നും ഇസ്രായേല്‍ നേതൃത്വം അറിയിച്ചു.
