കൊച്ചി: മാര്ച്ച് 23ന് നടത്താനിരുന്ന കടയടപ്പ് സമരം മാറ്റിവെച്ചു. പാചക വാതക പ്രതിസന്ധി പരിഹരിക്കാന് സിവില് സപ്ലൈസ് കമ്മീഷണര് നടത്തിയ ചര്ച്ചയില് അനുകൂല തീരുമാനമായതോടെയാണ് തീരുമാനം. കേരള ഹോട്ടല് ആന്ഡ് റസ്റ്റോറന്റ് അസോസിയേഷന് (കെ.എച്ച്.ആര്.എ) ആണ് സമരം മാറ്റിവച്ചത്.
20 ശതമാനം സിലിണ്ടറുകള് വിതരണം ചെയ്യാമെന്നും ഹോട്ടലുകളെ അവശ്യസേവന വിഭാഗമായി അംഗീകരിക്കുന്നത് പരിഗണിക്കാമെന്നും കമ്മീഷണര് ഉറപ്പുനല്കി.
സാഹചര്യം മെച്ചപ്പെടുന്നതനുസരിച്ച് സിലിണ്ടര് വിതരണത്തിന്റെ തോത് വര്ദ്ധിപ്പിക്കും. പൈപ്പ് ലൈന് ഗ്യാസ് സൗകര്യമുള്ള പ്രദേശങ്ങളില് ഹോട്ടലുകള്ക്ക് വേഗത്തില് കണക്ഷന് നല്കും. എല്ലാ ജില്ലയിലും സപ്ലൈ ഓഫീസര്മാരുടെ നേതൃത്വത്തില് കെ.എച്ച്.ആര്.എ പ്രതിനിധികളെ ഉള്പ്പെടുത്തി സിലിണ്ടര് വിതരണം ഏകോപിപ്പാക്കാനാണ് തീരുമാനം
