ഇംഗ്ലണ്ട് പര്യടനം, പാതിവഴിയിൽ ഇന്ത്യൻ ടീമിന് സന്തോഷ വാർത്ത

ലോര്‍ഡ്‌സ്: ഇംഗ്ലണ്ട് പര്യടനത്തില്‍ ഇന്ത്യന്‍ ടീമിനൊപ്പം ചേര്‍ന്ന് ബാറ്റ്സ്‌മാന്‍മാരായ പൃഥ്വി ഷായും സൂര്യകുമാര്‍ യാദവും. ഇംഗ്ലണ്ടിലെത്തിയ ശേഷം 10 ദിവസത്തെ നിര്‍ബന്ധിത ക്വാറന്‍റീന്‍ പൂര്‍ത്തിയാക്കിയാണ് ഇരുവരും ലോര്‍ഡ്‌സില്‍ ടീമിനൊപ്പം ചേര്‍ന്നത്. ലോര്‍ഡ്‌സ് ഗാലറിയില്‍ പൃഥ്വിയും സൂര്യകുമാറും രണ്ടാം ടെസ്റ്റ് വീക്ഷിക്കുന്നതിന്‍റെ ചിത്രം ബിസിസിഐ സാമൂഹ്യമാധ്യമങ്ങളില്‍ പങ്കുവെച്ചു.

ശ്രീലങ്കയ്‌ക്കെതിരായ വൈറ്റ് ബോള്‍ പരമ്ബരയ്‌ക്കിടെയാണ് പൃഥ്വി ഷായെയും സൂര്യകുമാര്‍ യാദവിനേയും ഇംഗ്ലണ്ടിലേക്ക് ഇന്ത്യന്‍ മാനേജ്‌മെന്‍റ് ക്ഷണിച്ചത്. എന്നാല്‍ ഇംഗ്ലണ്ടിലെത്തിയ ശേഷം കൊവിഡ് ക്വാറന്‍റീന്‍ താരങ്ങള്‍ പൂര്‍ത്തിയാക്കേണ്ടതുണ്ടായിരുന്നു. പരിക്കേറ്റ ശുഭ്‌മാന്‍ ഗില്‍, ആവേശ് ഖാന്‍, വാഷിംഗ്‌ടണ്‍ സുന്ദര്‍ എന്നിവര്‍ക്ക് പകരമാണ് ബിസിസിഐ ഇരുവരെയും ഇംഗ്ലണ്ടിലേക്ക് അയച്ചത്. ബാക്ക്‌അപ്പ് ഓപ്പണര്‍ എന്ന നിലയിലാണ് പൃഥ്വി ഷായെ സ്‌ക്വാഡില്‍ ഉള്‍പ്പെടുത്തിയത് എങ്കില്‍ ചേതേശ്വര്‍ പൂജാരയും അജിങ്ക്യ രഹാനെയും മോശം ഫോമിലാണെന്നത് സൂര്യകുമാറിന്‍റെ പേര് ചര്‍ച്ചകളിലേക്ക് കൊണ്ടുവരുന്നു.

പൃഥ്വിയും സൂര്യകുമാറും ടീമിനൊപ്പം ചേര്‍ന്നത് കോലിപ്പടയ്‌ക്ക് ആശ്വാസമാണ്. കരിയറിലെ അഞ്ച് ടെസ്റ്റില്‍ ഒരു സെഞ്ചുറി സഹിതം 339 റണ്‍സ് ഷായ്‌ക്കുണ്ട്. 2020 ഡിസംബറില്‍ അഡ്‌ലെയ്‌ഡിലായിരുന്നു അവസാന ടെസ്റ്റ് മത്സരം

Spread the love

Leave a Reply

Your email address will not be published. Required fields are marked *