കെഎസ്യു- യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ച കേസില് മുന് മുഖ്യമന്ത്രി പിണറായി വിജയന്റെ ഗണ്മാന് ഉള്പ്പെടെ അഞ്ച് ഉദ്യോഗസ്ഥര്ക്ക് സസ്പെന്ഷന്. ഗണ്മാന് അനില്കുമാര്, പൊലീസുകാരായ എസ് സന്ദീപ്, അരുണ്, വിപിന്, ഷൈജു എന്നിവര്ക്കാണ് സസ്പെന്ഷന്. ഡിജിപി ഉടന് ഇതുസംബന്ധിച്ച ഉത്തരവിറക്കും.ആലപ്പുഴയിലെ ‘രക്ഷാപ്രവര്ത്തനവുമായി’ ബന്ധപ്പെട്ട് പ്രത്യേക അന്വേഷണസംഘം സംസ്ഥാന പൊലീസ് മേധാവി റവാഡ ചന്ദ്രശേഖര്ക്ക് നല്കിയ റിപ്പോര്ട്ടിന്റെ അടിസ്ഥാനത്തിലാണ് നടപടി. പ്രത്യേക അന്വേഷണസംഘം ഇ-മെയിലായി കൈമാറിയ റിപ്പോര്ട്ടില് യൂത്ത് കോണ്ഗ്രസ് പ്രവര്ത്തകരെ അന്നത്തെ മുഖ്യമന്ത്രിയുടെ ഗണ്മാന് ഉൾപ്പെടെയുള്ളവർ മര്ദിച്ചത് ചട്ടവിരുദ്ധമാണെന്നു വ്യക്തമാക്കിയിരുന്നു. ഇതിന്റെ അടിസ്ഥാനത്തിലാണ് നടപടി.
