തൃശൂർ: തദ്ദേശ്ശ തിരഞ്ഞെടുപ്പിൽ വിജയിച്ച കോർപറേഷൻ അംഗങ്ങളെ ഇസാഫ് ആദരിച്ചു. ഹോട്ടൽ ദാസ് കോണ്ടിനെന്റലിൽ സംഘടിപ്പിച്ച ചടങ്ങ് മണപ്പുറം ഫിനാൻസ് മാനേജിങ് ഡയറക്ടർ വി പി നന്ദകുമാർ ഉദ്ഘാടനം ചെയ്തു. ഇസാഫ് ഗ്രൂപ്പ് ഓഫ് സോഷ്യൽ എന്റർപ്രൈസസ് സ്ഥാപകനും ഇസാഫ് ബാങ്ക് എംഡിയും സിഇഒയുമായ ഡോ. കെ പോൾ തോമസ് അധ്യക്ഷത വഹിച്ചു. സുസ്ഥിര വികസന പ്രവർത്തങ്ങളുടെ ഭാഗമായി കോർപറേഷനുമായി സഹകരിച്ച് നടത്തുന്ന ‘വാസയോഗ്യമായ നഗരം’ പദ്ധതിയിലൂടെ ഭിന്നശേഷി സൗഹൃദ നടപ്പാതകൾ, പാർക്ക് നവീകരണം തുടങ്ങിയ മേഖലകളിൽ ഇസാഫ് പിന്തുണ നൽകിയതായും പുതിയ ഭരണസമിതിയുമായി ചേർന്ന് നഗര വികസനത്തിൽ തുടർന്നും ഇസാഫിന്റെ സഹകരണം ഉറപ്പാക്കുമെന്നും പോൾ തോമസ് പറഞ്ഞു.
മേയർ ഡോ. നിജി ജസ്റ്റിൻ, ഡെപ്യുട്ടി മേയർ എ പ്രസാദ്, പ്രതിപക്ഷ നേതാവ് ടി ആർ ഹിരൺ, കില പ്രൊഫസർ ഡോ. അജിത്ത് കാളിയത്ത്, തൃശൂർ മാനേജ്മന്റ് അസോസിയേഷൻ പ്രസിഡന്റ് സി പദ്മകുമാർ, പൂങ്കുന്നം ഡിവിഷൻ കൗൺസിലർ രഘുനാഥ് സി മേനോൻ, ഇസാഫ് കോഓപ്പറേറ്റീവ് സിഇഒ ജോർജ് തോമസ്, ഇസാഫ് ഫൗണ്ടേഷൻ അസോസിയേറ്റ് ഡയറക്ടർ ജോൺ പി ഇഞ്ചക്കലോടി, ലിവബിൾ സിറ്റീസ് പ്രൊജക്റ്റ് മാനേജർ ജോർജ് എം പി എന്നിവർ പ്രസംഗിച്ചു. 2009 മുതൽ കോർപറേഷന്റെ വികസന പ്രവർത്തനങ്ങളിൽ ഇസാഫ് സജീവ പങ്കാളിത്തം വഹിക്കുന്നുണ്ട്.
