വ്രതശുദ്ധിയുടെ നാളുകൾക്ക് വിട ചൊല്ലി വിശ്വാസികൾ ഇന്ന് ചെറിയ പെരുന്നാൾ ആഘോഷിക്കുന്നു.ഈദ് ഗാഹുകളിലും പള്ളികളിലും പെരുന്നാള് നമസ്കാരത്തിനായി വിശ്വാസികള് ഒത്തുകൂടും.
ഒരു മാസം നീണ്ടുനിന്ന വ്രതാനുഷ്ഠാനത്തിന് ശേഷമാണ് ഇസ്ലാംമത വിശ്വാസികള് ചെറിയ പെരുന്നാള് ആഘോഷിക്കുന്നത്. പെരുന്നാള് നമസ്ക്കാരത്തിനായി ഈദ്ഗാഹുകളും പള്ളികളും ഒരുങ്ങികഴിഞ്ഞു. വിവിധ ഇടങ്ങളിലെ ഈദ്ഗാഹുകളില് ആയിരക്കണക്കിന് വിശ്വാസികള് പങ്കെടുക്കും.തക്ബീര് ധ്വനികളാല് മുഖരിതമാണ് പള്ളികള്.
