സിഎംആര് ഗ്രീന് ടെക്നോളജീസ് ലിമിറ്റഡിന്റെ പ്രാഥമിക ഓഹരി വില്പന (ഐപിഒ) 2026 ജൂണ് 3 മുതല് 5 വരെ നടക്കും.
പ്രമോട്ടര്മാരുടെയും നിലവിലുള്ള നിക്ഷേപകരുടെയും 32,858,323 ഇക്വിറ്റി ഓഹരികളുടെ ഓഫര് ഫോര് സെയിലാണ് ഐപിഒയില് ഉള്പ്പെടുത്തിയിരിക്കുന്നത്.
രണ്ട് രൂപ മുഖവിലയുള്ള ഓഹരി ഒന്നിന് 182 മുതല് 192 രൂപവരെയാണ് വില നിശ്ചയിച്ചിരിക്കുന്നത്. കുറഞ്ഞത് 78 ഇക്വിറ്റി ഓഹരികള്ക്കും തുടര്ന്ന് 78ന്റെ ഗുണിതങ്ങള്ക്കും അപേക്ഷിക്കാം. അര്ഹരായ ജീവനക്കാര്ക്കായി മാറ്റിവെച്ചിരിക്കുന്ന വിഭാഗത്തില് ഓഹരിയൊന്നിന് 18 രൂപ വീതം ഡിസ്കൗണ്ട് ലഭിക്കും.
ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും. ഇക്വിറസ് ക്യാപിറ്റല് ലിമിറ്റഡ്, ഐസിഐസിഐ സെക്യൂരിറ്റീസ് ലിമിറ്റഡ്, മോത്തിലാല് ഓസ്വാള് ഇന്വെസ്റ്റ്മെന്റ് അഡ്വൈസേഴ്സ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര്.
