കണ്ണൂർ: കുറ്റവാളി തൊണ്ടിസഹിതം പിടിക്കപ്പെടുമ്പോഴുള്ള വെപ്രാളമാണ് ബിജെപി സംസ്ഥാന അധ്യക്ഷൻ കെ. സുരേന്ദ്രന്റെ പ്രസ്താവനകളിലെന്ന് സിപിഎം നേതാവ് പി. ജയരാജൻ. ആർജെപി നേതാവ് പ്രസീതയുമായി താൻ കൂടികാഴ്ച നടത്തിയെന്ന സുരേന്ദ്രന്റെ ആരോപണത്തിന് മറുപടി നൽകുകയായിരുന്നു അദ്ദേഹം.
പ്രസീതയുമായി താൻ കൂടിക്കാഴ്ച നടത്തിയോ എന്നതല്ല, സുരേന്ദ്രനെതിരേ ഉന്നയിച്ച ആരോപണങ്ങൾക്കാണ് അദ്ദേഹം മറുപടി പറയേണ്ടത്. പ്രസീത ഉന്നയിച്ചത് ഗൗരവമായ ആക്ഷേപങ്ങളാണ്. തെളിവുകളുടെ അടിസ്ഥാനത്തില് സുരേന്ദ്രനെ കുറ്റവാളിയായി തന്നെ ജനം കാണുമെന്നും ജയരാജൻ പറഞ്ഞു.