മുഖ്യമന്ത്രി ആഭ്യന്തരവകുപ്പ് ഒഴിയണമെന്ന വിമർശനം ശക്തമാക്കി ബിജെപി. മുതിർന്ന നേതാവ് പി.കെ.കൃഷ്ണദാസാണ് വിമർശനം ഉന്നയിച്ചത്. കോട്ടയത്ത് കൗമാരക്കാരനെ കാപ്പ ചുമത്തി നാടുകടത്തപ്പെട്ടിരുന്ന ഗുണ്ട തട്ടിക്കൊണ്ടുപോയി കൊലപ്പെടുത്തിയ സംഭവത്തിന്‍റെ പശ്ചാത്തലത്തിലാണ് വിമർശനം.
ആഭ്യന്തരവകുപ്പിന്‍റെ ദയനീയ പരാജയമാണ് കോട്ടയത്ത് കണ്ടത്. നാഥനില്ലാ കളരിയായി ആഭ്യന്തരവകുപ്പ് മാറി. സംസ്ഥാനത്ത് ഗുണ്ടകൾ അഴിഞ്ഞാടുകയാണെന്നും കൃഷ്ണദാസ് വിമർശിച്ചു.
