പാരീസ്: യൂറോ കപ്പിനു മുന്നേയുള്ള അവസാന സന്നാഹ മത്സരത്തിൽ പോർച്ചുഗലിന് വൻ ജയം. ഇസ്രായേലിനെ എതിരില്ലാത്ത നാലു ഗോളുകൾക്ക് പോർച്ചുഗൽ തകർത്തു. ബ്രൂണോ ഫെർണാണ്ടസ് ആണ് പോർച്ചുഗലിന്റെ വിജയ ശില്പി.
രണ്ടു ഗോളുകളും ഒരു അസിസ്റ്റും ഫെർണാണ്ടസ് പോർച്ചുഗലിനായി നേടി. 42-ാം മിനിറ്റിലായിരുന്നു ആദ്യ ഗോൾ വന്നത്. കളിയുടെ അവസാന നിമിഷം ബോക്സിന് പുറത്ത് നിന്നുള്ള മനോഹര ഷോട്ടിലൂടെയാണ് ബ്രൂണോ രണ്ടാം ഗോൾ കണ്ടെത്തിയത്. ക്രിസ്റ്റാനോ റൊണാൾഡോ(44), കാൻസെലോ(86) എന്നിവരാണ് പോർച്ചുഗലിന്റെ മറ്റ് ഗോൾ സ്കോറർമാർ.യൂറോ കപ്പിൽ ഹംഗറിക്ക് എതിരെയാണ് പോർച്ചുഗലിന്റെ ആദ്യ മത്സരം