പനാജി: ഗോവ നിയമസഭാ തെരഞ്ഞെടുപ്പിൽ എൻസിപി, എംഡിപി, ഗോവ ഫേർവേഡ് പാർട്ടി(ജിഎഫ്പി) എന്നിവയുമായി സഖ്യം രൂപവത്കരിക്കുന്നതു സംബന്ധിച്ച് കോൺഗ്രസ് ചർച്ച ആരംഭിച്ചു.
ഗോവയുടെ ചുമതലയുള്ള ദിനേശ് ഗുണ്ടു റാവു ആണ് ഇക്കാര്യം അറിയിച്ചത്. അടുത്ത വർഷം ഫെബ്രുവരിയിലാണ് ഗോവ തെരഞ്ഞെടുപ്പ്.
ബിജെപിയുടെ സഖ്യകക്ഷികളായിരുന്നു ജിഎഫ്പിയും എംജിപിയും. 2017ൽ 17 സീറ്റോടെ വലിയ ഒറ്റക്കക്ഷിയായിട്ടും കോൺഗ്രസിനു സർക്കാർ രൂപവത്കരിക്കാൻ കഴിഞ്ഞില്ല. 13 സീറ്റുള്ള ബിജെപി പ്രാദേശിക പാർട്ടികളെ കൂട്ടുപിടിച്ച് സർക്കാർ രൂപവത്കരിക്കുകയാണുണ്ടായത്.
അഞ്ചു വർഷത്തിനിടെ 13 കോൺഗ്രസ് എംഎൽഎമാർ ബിജെപി ഉൾപ്പെടെയുള്ള പാർട്ടികളിലേക്കു ചേക്കേറി.
