ബ്രിസ്ബേന്: ആറ് മണിക്കൂര് കൊണ്ട് പാട്ടുംപാടി ലോകം കീഴടക്കിയിരിക്കുകയാണ് ഈ മലയാളി പെണ്ക്കുട്ടികള്. 193 രാജ്യങ്ങളുടെ ദേശീയ ഗാനങ്ങളാണ് ആലപ്പുഴ ചേര്ത്തല സ്വദേശികളായ തെരേസ ജോയിയും ആഗ്നസ് ജോയിയും മനഃപാഠമാക്കി ആലപിച്ചത്. മൂന്ന് രാജ്യാന്തര റെക്കോര്ഡ് പട്ടികയിലാണ് ഒറ്റദിനത്തില് ഇവര് ഇടംപിടിച്ചത്.
ഓസ്ട്രേലിയയില് താമസിക്കുന്ന തെരേസയും ആഗ്നസും ബ്രിസ്ബേന് സെന്റ് ജോണ്സ് കത്തീഡ്രലില് രാവിലെ 10 മുതല് വൈകിട്ടു വരെ നടന്ന പരിപാടിയിലാണ് നേട്ടം സ്വന്തമാക്കിയത്. എല്ലാ രാജ്യങ്ങളുടെയും ദേശീയഗാനങ്ങള് ഇവര് കാണാതെ പഠിച്ചു പാടി. ഓരോ 2 മണിക്കൂറിലും 10 മിനിറ്റ് മാത്രമായിരുന്നു ഇടവേള. ലോകത്താദ്യമായി നൂറിലേറെ രാജ്യാന്തര ഭാഷകളില് പാടിയവര് എന്നതടക്കം പല റെക്കോര്ഡുകളാണ് ഇവര് സ്വന്തമായത്.
ഓസ്ട്രേലിയയിലെ സിനിമ മേഖലയില് പ്രവര്ത്തിക്കുന്ന തൈക്കാട്ടുശ്ശേരി കണിയാംപറമ്ബില് ജോയ് കെ മാത്യുവിന്റെയും നഴ്സായ ജാക്വിലിന്റെയും മക്കളാണ് ഇവര്. ക്രിമിനോളജി-സൈക്കോളജി പഠനം പൂര്ത്തിയാക്കിയ തെരേസ യു എന് അസോസിയേളന് ഓഫ് ഓസ്ട്രേലിയയുടെ സെക്രട്ടറിയാണ്. ആഗ്നസ് 12-ാം ക്ലാസ് വിദ്യാര്ഥിനിയാണ്.