ഇന്ത്യന് വനിത ക്രിക്കറ്റ് താരം സ്മൃതി മന്ദാനയെയും പ്രതിശ്രുത വരനും സംഗീതസംവിധായകനുമായ പാലാഷ് മുശാലിനെയും പ്രധാനമന്ത്രി നരേന്ദ്ര മോദി അഭിനന്ദിച്ചു. കത്തില് രണ്ട് കുടുംബങ്ങളെയും ആശംസകള് അറിയിച്ച പ്രധാനമന്ത്രി ഇരുവരെയും ഹൃദ്യമായി അഭിനന്ദിക്കുന്നതായും പറഞ്ഞു. ദമ്പതികളുടെ യാത്ര പരസ്പര വിശ്വാസം, പിന്തുണ, ഐക്യം എന്നിവയില് അധിഷ്ഠിതമായി ഒരുമിച്ച് മുന്നേറാന് കഴിയട്ടെയെന്നും നരേന്ദ്രമോദി തന്റെ ആശംസ കുറിപ്പില് സൂചിപ്പിച്ചു. 2025 നവംബര് 23 ന് വിവാഹം നടക്കുമെന്ന് പ്രതീക്ഷിക്കുന്നതായും എന്നാല് ദമ്പതികള് ഇതുവരെ ഔദ്യോഗികമായി സ്ഥിരീകരിച്ചിട്ടില്ലെന്നും കത്തില് പറയുന്നു.
ജെമീമ റോഡ്രിഗസ്, ശ്രേയങ്ക പാട്ടീല്, രാധ യാദവ്, അരുന്ധതി റെഡ്ഡി എന്നിവരോടൊപ്പമുള്ള ഒരു നൃത്ത വീഡിയോയിലൂടെയാണ് താരം തന്റെ വിവാഹം സംബന്ധിച്ച വിവരങ്ങള് സോഷ്യല് മീഡിയ വഴി വെളിപ്പെടുത്തിയത്. 2006-ല് പുറത്തിറങ്ങിയ ലാഗ് റാഹോ മുന്ന ഭായി എന്ന ചിത്രത്തിലെ ”സാമോ ഹോ ഹി ഗയ” എന്ന ഗാനത്തിനൊപ്പം ചുവടുവെച്ച അഞ്ച് ഇന്ത്യന് താരങ്ങളും ആരാധകരുടെ പ്രശംസയേറെ പിടിച്ചുപറ്റി. വീഡിയോയുടെ അവസാന ഫ്രെയിമില് മന്ദാന തന്റെ വിവാഹ മോതിരം അനാച്ഛാദനം ചെയ്യുന്നതായാണ് കാണുന്നത്.
