പിഎം ശ്രീ പദ്ധതിയില് ഒപ്പിട്ടതില് സര്ക്കാരിന് തെറ്റ് പറ്റിയെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദൻ.ഒരു മാധ്യമത്തിനു നല്കിയ അഭിമുഖത്തിലാണ് അദ്ദേഹം സർക്കാരിനു തെറ്റുപറ്റിയ കാര്യം സമ്മതിച്ചത്.പിന്നീട് പാർട്ടി ഇടപെട്ട് തെറ്റ് തിരുത്തി. മറ്റ് പല വിഷയങ്ങള്ക്കൊപ്പം പിഎം ശ്രീ വിവാദവും തദ്ദേശതെരഞ്ഞെടുപ്പ് തോല്വിക്ക് കാരണമായിരിക്കാം.
മൂന്നാം എല്ഡിഎഫ് സർക്കാർ അധികാരത്തില്വരും. എല്ഡിഎഫിന് 60 സീറ്റുകള് ജയിക്കാനാകുന്ന സാഹചര്യം ഇപ്പോഴുമുണ്ട്.രാഷ്ട്രീയ മത്സരം നടന്ന ജില്ലാ പഞ്ചായത്തില് യുഡിഎഫും എല്ഡിഎഫും ഒപ്പത്തിനൊപ്പമാണ്. പഞ്ചായത്ത് തെരഞ്ഞടുപ്പില് യുഡിഎഫിനേക്കാള് 17 ലക്ഷം വോട്ടുകള് എല്ഡിഎഫിന് അധികമുണ്ട്.
അമിത ആത്മവിശ്വാസം കൊണ്ടാണ് തോല്വിയുണ്ടായത്.ഇത് സംഘടനാ വീഴ്ചയാണെന്നും ജനങ്ങളുമായുള്ള ബന്ധം മെച്ചപ്പെടുത്തി മുന്നോട്ട് പോകുമെന്നും എം.വി.ഗോവിന്ദൻ വ്യക്തമാക്കി.
